Vür 50 Johre jing et loss, met vill Tam-Tam un riesenjroß, bekom nit wick vum Wasserturm dr THC sing eetste Form. Dr Tennis wor noch elitär un wer dat spillte wor ald Wer, mer stunt om Platz schön upjeputz, et Himp jehürte in de Botz. Is vun domols och su mancher nit mieh do, wor die Zick doch schön un eines dat is klor:

THC, THC, dat sin mir, mir alle he,
janz ejal, wat do häs oder bes.
Wat och kütt, wat och weed, wat och immer uns passeet,
THC, mir stonn fess zo dir un dir jelovven mir,
du bes, du bes unser ze Hus.

Wenn im April et Sünnche laach un bütz die Ääd su langsam waach, weed he jebrasselt und jemaat bis dat uns Ahnlach fein parat. Dann sin se alle widder do, jenau su wie im vürje Johr, dr Papp, de Mamm, dä kleine Stropp un kloppe op dat Bällche drop. Weed et manchmol Ähnz, am Engk weed doch jelaach, un dann fiere mir un singe durch de Naach:

THC, THC, dat sin mir, mir alle he,
janz ejal, wat do häs oder bes.
Wat och kütt, wat och weed, wat och immer uns passeet,
THC, mir stonn fess zo dir un dir jelovven mir,
du bes, du bes unser ze Hus,
du bes, du bes unser ze Hus.